ანკარა იმედოვნებს, რომ ევროკავშირში თურქეთის გაწევრიანების პროცესი დაჩქარდება. ამის შესახებ ქვეყნის პრემიერ-მინისტრმა ახმეტ დავუთოღლუმ განაცხადა. მთავრობის მეთაურის თქმით, ხვალ ის ბრიუსელში გაემგზავრება, სადაც ამ საკითხთან დაკავშირებით მორიგ მოლაპარაკებას გამართავს. თურქეთის ევროკავშირში გაწევრიანების პროცესი ბრიუსელმა 14 დეკემბერს განაახლა. ამჟამად შეთანხმების 17-ე მუხლი განიხილება, რომელიც ფინანსურ და ეკონომიკურ საკითხებს შეეხება. თურქეთი ერთიან ევროპულ სივრცეში შესვლას 1987 წლიდან ცდილობს. 2005 წელს ქვეყანამ აღებული ყველა ვალდებულება შეასრულა, თუმცა პროცესი იმის გამო შეფერხდა, რომ ბრიუსელს ანკარასთან სიტყვის თავისუფლებისა და დემოკრატიის საკითხებთან დაკავშირებით გარკვეული კითხვები ჰქონდა.
