თბილისს "რაგბი ევროპის" პრეზიდენტი ეწვია. როგორც ოქტავიან მორარიუ ამბობს, თბილისში არა რაგბის კავშირში დაგეგმილი არჩევნებს, არამედ სამომავლო გეგმების განსახილველად ჩამოვიდა. 2016 წლის ივნისში საქართველო ერთ-ერთ მნიშვნელოვან ღონისძიებას, "რაგბი ევროპის" გენერალურ ასამბლეას უმასპინძლებს, რისთვისაც მზადება უკვე დაწყებულია. პრეზიდენტმა ასამბლეის საორგანიზაციო საკითხები უნდა შეათანხმოს. ამას გარდა, მორარიუს ვიზიტის დროს 2015 წლის მსოფლიო თასზე "რაგბი ევროპის" კავშირების წარმატებულ თამაშებს შეაფასებენ და მომავალ 4-წლიან ციკლში განსახორციელებელ გეგმებს განიხილავენ.
