გვიან ღამით კრემლში ვლადიმერ პუტინის, ჯონ ქერისა და სერგეი ლავროვის შეხვედრა დასრულდა. აუდიენცია 3 საათზე მეტხანს გაგრძელდა. საუბრის მთავარი თემა სირიის კრიზისი, საერთაშორისო ტერორიზმთან ბრძოლის გააქტიურება, ასევე, უკრაინისა და რუსეთ-ამერიკული ურთიერთობების საკითხი იყო. შეხვედრის დასრულების შემდეგ პუტინმა განაცხადა, რომ დიპლომატებისგან არსებული ვითარების შესახებ ამომწურავი ინფორმაცია მიიღო. მისივე თქმით, რიგი საკითხები დამატებით განხილვას მოითხოვს, რისთვისაც კონსულტაციებისა და მოლაპარაკებების გაგრძელებაა საჭირო.
