უკრაინის რეფორმების საბჭოს სხდომაზე მომხდარ ინციდენტს პრეზიდენტი პოროშენკოც გამოეხმაურა. “ეროვნულ საბჭოში დაუშვებელია აგრესია და შეურაცხყოფა, განსაკუთრებით ქსენოფობიური კონტექსტით. მიუღებელია ვინმეს უყვიროდე, რომ უკრაინიდან წაეთრეს. მე პირადად მოვიწვიე უკრაინაში რეფორმატორთა გუნდი, რომლებიც უკრაინელები გახდნენ არამხოლოდ პასპორტით, არამედ სულითაც. და მე ჩემს გადაწყვეტილებას არ ვნანობ. აქვე მინდა აღვნიშნო, რომ კორუფციასთან ბრძოლა შოუ-ბიზნესის სფერო არ არის და არც სახელმწიფო მოხელეები და არც სახალხო დეპუტატები მსგავს სპექტაკლებში არ უნდა მონაწილეობდნენ,”-განაცხადა პოროშენკომ. შეგახსენებთ, რომ რეფორმების საბჭოს სხდომაზე ოდესის გუბერნატორს უკრაინის შინაგან საქმეთა მინისტრმა წყალი შეასხა და სიტყვიერად შეურაცხყო.
