ვიზალიბერალიზაციის ანგარიშის გადადებასთან დაკავშირებით საპარლამენტო უმრავლესობის წევრი ლევან ბერძენიშვილი აცხადებს, რომ ბრიუსელში უკრაინის პრეზიდენტის ჩასვლას და მისგან გარკვეულ გარანტიებს ელიან.
მისი თქმით, მას შემდეგ, რაც პეტრო პოროშენკო ჩავა ბრიუსელში, დაზუსტდება ყველა ის თემები, რომლებიც არსებობს უკრაინასთან და გადაწყვეტილება დაუყოვნებლივ იქნება მიღებული.
„ჩვენ და უკრაინა ამ საკითხში ვართ ერთად. როგორც ჩანს არის ერთი დეტალი, რომელშიც ჭირდებათ პირდაპირ გარანტია უკრაინის პრეზიდენტის. ჩვენ პირნათლად შევასრულეთ ყველაზე რთული ნაწილი - ეს იყო ანტიდისკრიმინაციული კანონი. როგორც ჩანს, მათ ამ მასშტაბის კანონი ვერ მიიღეს, როგორც ჩანს სჭირდებათ მეტი გარანტია, ამიტომ ჩადის პოროშენკო და ვვარაუდობ, პირადად მისგან მიიღებენ ამ გარანტიას,“ - განაცხადა ლევან ბერძენიშვილმა.
შეგახსენებთ, ვიზალიბერალიზაციასთან დაკავშირებით საქართველოს მიერ შესრულებული საქმიანობის შესახებ ანგარიშის გამოქვეყნება, დღეისათვის იგეგმებოდა.
