ჰოლანდიის ერედივიზიონის მე-16 ტურში ”ვიტესი” სტუმრად ”ჰერაკლესს” დაუპირისპირდა. მატჩი ფრედ 1:1 დასრულდა. სტუმართა შორის ყაზაიშვილმა სრულად ითამაშა, კაშია კი სათადარიგო იყო. არნემელთაგან ერთადერთი გოლი 19 წლის ალბანელმა მილოტ რაშიჩამ გაიტანა, რომელსაც ასისტენტობა ვაკო ყაზაიშვილმა გაუწია.
მიმდინარე სეზონის ერედივიზიონში ყაზაიშვილის პასის შემდეგ ალბანელმა ფეხბურთელმა მეორედ გაიტანა, პირველად ვაკოს პასი ”ექსელსიორთან” შეხვედრაში აქცია გოლად.
16 ტურის შემდეგ ჰოლანდიის 18 გუნდიან ჩემპიონატში ”ვიტესი” 25 ქულით მე-6 ადგილზეა.
