სკანდალური განცხადებების მიუხედავად, დონალდ ტრამპი რესპუბლიკელ კანდიდატებს შორის დამაჯერებლად ლიდერობს. ბოლო მონაცემებით, მას ხმათა 35 პროცენტი აქვს, მეორე-მესამე პოზიციებს თედ კრუზი და მარკო რუბიო ინაწილებენ, ჯებ ბუში კი 3 პროცენტით მეოთხე ადგილს იკავებს. მორიგ სკანდალში ტრამპი მას შემდეგ გაეხვა, რაც ერთ-ერთ წინასაარჩევნო შეხვედრაზე განაცხადა, რომ შეერთებულ შტატებში მუსლიმანების ადგილი არ არის. ამის გამო მას არამხოლოდ თეთრი სახლი, არამედ ამერიკის მოკავშირე ქვეყნებიც დაუპირისპირდა. ბრიტანეთში მისი “პერსონა ნონ გრატად” გამოცხადების პეტიციას ხელი უკვე ნახწევარ მილიონამდე ადამიანმა მოაწერა.
