თურქეთის პრეზიდენტი ირწმუნება, რომ ჩრდილოეთ ერაყში სამხედრო ნაწილი ბაღდადის მოთხოვნით შეიყვანა. რეჯეფ თაიფ ერდოგანის მტკიცებით, მას ქვეყნის ტერიტორიაზე ჯარების შეყვანა გასულ წელს ერაყის პრემიერ-მინისტრმა ჰაიდარ ალ-აბადიმ სთხოვა. ოფიციალურ ბაღდადს ერდოგანის განცხადებაზე კომენტარი ჯერ არ გაუკეთებია. მანამდე ერაყის ხელისუფლებამ არაერთგზის განაცხადა, რომ ბაშიკის რაიონში ჯარების შეყვანით ანკარა ერაყის სუვერენიტეტს არღვევს.
