საერთაშორისო ტერორისტული ორგანიზაცია „ისლამური სახელმწიფოს“ ლიდერი აბუ ბაქრ ალ-ბაღდადი თურქეთის ტერიტორიიდან ლიბანში გადავიდა, - ამის შესახებ ირანული სააგანტო FARS-ი იტყობინება.
„ტერორისტული დაჯგუფება „ისლამური სახელმწიფოს“ მეთაური აბუ ბაქრ ალ-ბაღდადი თურქეთიდან ლიბანში გადავიდა, რათა თავი დაეღწია ბაღდადის სპეცსამსახურების დევნისგან. ამ დრომდე მან რამდენჯერმე მოახერხა ერაყიდან სირიაში ჩასვლა“, - ნათქვამია გავრცელებულ ინფორმაციაში.
სააგენტო აღნიშნავს, რომ ამჟამად ალ-ბაღდადი ლიბიის ქალაქ სირტში იმყოფება, რომელსაც ჯიჰადისტები აკონტროლებენ.
ინფორმაციაში ასევე აღნიშნულია, რომ ალ-ბაღდადი ერაყის ავიაციის მიზნობრივი დაბომბვის დროს სირიის საზღვართან ახლოს დაიჭრა. დაჭრილი მისმა დაცვამ სირიის ქალაქ რაქაში გადაიყვანა, სადაც მას ოპერაცია გაუკეთეს.
ქირურგებმა შეძლეს მისი გადარჩენა, მაგრამ სათანადო პირობების არქონის გამო, ის რამოდენიმე დღეში თუქეთში გადაიყვანეს.
სააგენტოს ინფორმაციით, ალ-ბაღდადის თურქეთში გადაყვანის ოპერაცია ცენტრალური სადაზვერვო სამსახურის მეთვალყურეობით მოხდა.
სააგენტოს მიერ გავრცელებულ ინფორმაციაზე ამ დროისთვის ამერიკულ მხარეს კომენტარი არ გაუკეთებია. სხვა წყარო, რომელიც დაადასტურებდა ალ-ბაღდადის თურქეთში ჩაყვანასa და თურქეთიდან სირტში გადასვლას, არ არსებობს.
