ანკარა მოსკოვს სანქციებით ემუქრება. საგანგებო განცხადება თურქეთის პრემიერ-მინისტრმა ახმეტ დავუთოღლუმ გააკეთა. მისივე განმარტებით, რუსეთისთვის სანქციების დაწესების საკითხი 7 დეკემბრის მთავრობის სხდომაზე იქნა განხილული, თუმცა გადაწყვეტილება ჯერჯერობით მიღებული არ არის.
„მოსკოვთან დიალოგისთვის მზად ვართ, მაგრამ თურქეთი ვერ შეეგუება იმას, რომ რუსეთმა თავს საკუთარი ნება მოახვიოს,“-აღნიშნა დავუთოღლუმ.
