დონალდ ტრამპმა კიდევ ერთი სკანდალური განცხადება გააკეთა. პრეზიდენტობის რესპუბლიკელმა კანდიდატმა ღიად განაცხადა, რომ ქვეყანაში მუსლიმანების შესვლა უნდა აიკრძალოს. მისივე მტკიცებით, მუსლიმანებს შეერთებული შტატები სძულთ და ქვეყნისთვის სერიოზულ საფრთხეს წარმოადგენენ. ტრამპის განცხადებას უკვე მოჰყვა ოფიციალური ვაშინგტონის რეაქცია. თეთრი სახლის განმარტებით, პრეზიდენტობის კანდიდატის ინიციატივა შეერთებული შტატების ინტერესებთან წინააღმდეგობაში მოდის.
