ქუთაისის საქალაქო სასამართლომ შოთა ქემოკლიძე გაათავისუფლა. მოსამართლემ ქემოკლიძეს 4000 ლარიანი გირაოს გადახდა დააკისრა. გადაწყვეტილება რამდენიმე წუთის წინ გამოცხადდა. ქემოკლიძე საპატიმროს მხოლოდ მას შემდეგ დატოვებს, რაც დაკისრებულ გირაოს თანხას გადაიხდის.
შეგახსენებთ, რომ ქემოკლიძე შს სამინისტროს თანამშრომლებმა გუშინ ცივი იარაღის უკანონოდ ტარების ბრალდებით დააკავეს.
დაკავების შემდეგ ქემოკლიძემ თვითდაზიანებები მიიყენა, მკურნალობაზე უარი განაცხადა და შიმშილობა დაიწყო. ქემოკლიძის ადვოკატების განცხადებით მათი დაცვის ქვეშ მყოფი ბრალდებას არ აღიარებს და ამბობს, რომ ის უკანონოდ დააკავეს.
