ტერორიზმში ბრალდებულ დავით ბორჩაშვილს ბრალს სავარაუდოდ დღეს წაუყენებენ. მისი ადვოკატის, გელა ნიკოლეიშვილის განცხადებით, 328-ე მუხლით ბრალდება ბრალდების წაყენება, რომელიც ტერორისტულ ორგანიზაციასთან კავშირს გულისხმობს, უსაფუძვლოა, რადგანაც ბორჩაშვილი სწორედ მსგავსი ტერორისტული დაჯგუფებების წინააღმდეგ იბრძოდა. ნიკოლეიშვილს განამრტებით, დაკავებული არ უარყოფს, რომ მას კონტაქტი ჰქონდა “სირიის თავისუფალ არმიასთან,” რომელიც ასადის რეჟიმის წინააღმდეგ იბრძვის. ადვოაკტის განცახდებით, youtube-ში გავცრცელებული კადრები, სადაც სავარაუდოდ შეიარაღებული დავით ბორჩაშვილია, დანაშაულის საფუძველი არ შეიძლება იყოს. კადრები, სადაც სავარაუდოდ სახელმწიფო უსაფრთხოების სამსახურის მიერ დაკავებული დავით ბორჩაშვილი ფიგურირებს, მედიაში გუშინ გავრცელდა. ვიდეომასალები youtube-ზე 21 ნოემბერს არის ატვირთული და ავტორებად მითითებულნი არიან "პანკისკი" და "ალ შიშანი". ბორჩაშვილს „სუსი“ უცხო ქვეყნის ტერორისტულ ორგანზიაციაში გაერთიანებას ან ტერორისტულ საქმიანობაში დახმარებას ედავება. რაც შეეხება თავად დავით ბორჩაშვილს, ის მკურნალობას ამ დრომდე ღუდუშაურის სახელობის კლინიკაში გადის. მედპერსონალის ინფორმაციით, დაკავებულის მდგომარეობა საშუალო სიმძიმისაა. მას დაზიანება მენჯ-ბარძაყის არეში აღენიშნება. ექიმების განმარტებით, ბორჩაშვილს რამდენიმე თვის წინ მიყენებული ჭრილობა დაუინფიცირდა.
