პარლამენტის თავმჯდომარე დავით უსუფაშვილი ირწმუნება, რომ მას ოპერის მომღერალ პაატა ბურჭულაძესთან არანაირი სახის პოლიტიკური კონსულტაციები არ ჰქონია.
როგორც ჟურნალისტებს უსუფაშვილმა განუცხადა, ის რამდენიმე თვის წინ, ბურჭულაძის ფონდის ოფისს ესტუმრა, სადაც წმინდა ჰუმანიტარულ საკითხებზე ძალიან საინტერესო საუბრები გაიმართა.
„ბატონ პაატასთან, არანაირი სახის პოლიტიკური კონსულტაციები არ მქონია. მას საინტერესო მოსაზრება ჰქონდა იმის თაობაზე, რომ სხვადასხვა კონფლიქტებში დაზარალებულ ხალხს, სახელწმიფო როგორ შეიძლება დაეხმაროს?! მასთან სხვა რაიმე საუბარი არ მქონია და მას ჩემთან არ ჰქონია. დანარჩენს მომავალი გვაჩვენებს. არჩევნები ახლოვდება, ეს ამ ყველაფერზე მიანიშნებს მხოლოდ“, - დასძინა უსუფაშვილმა.
,,საქართველოს განვითარების ფონდის“ დამფუძნებელი პაატა ბურჭულაძე მის პოლიტიკურ ასპარეზზე გადანაცვლებასთან დაკავშირებით გავრცელებულ ინფორმაციას, არც უარყოფს და არც ადასტურებს. მან თავის გუნდთან დღეს პირველი სამუშაო შეხვედრა გამართა. შეხვედრას ვანო მაჭავარიანი, ხათუნა ლაგაზიძე, დავით ჯანდიერი და გიორგი რუხაძე ესწრებოდნენ. ბურჭულაძემ დაადასტურა ინფორმაცია ყოფილ პრემიერთან და ,,თავისუფალ დემოკრატებთან“ გამართული შეხვედრების შესახებ და განაცხადა, რომ აპირებს შეხვდეს ყველა დაინტერესებულ ჯგუფებთან.
