ფრაქცია „ქართული ოცნების“ წევრი ნუკრი ქანთარია მიიჩნევს, რომ პაატა ბურჭულაძე ძალიან დიდი ქველმოქმედი იყო, მაგრამ წინა ხელისუფლების დროს, ის ბევრ მოვლენაზე თვალს ხუჭავდა.
დეპუტატამა მსოფლიო ბანის პოლიტიკურ ასპარეზზე გამოჩენის ვარაუდებთან დაკავშირებით, „ჯი-ეჩ-ენთან“ განაცხადა, რომ ყველას აქვს უფლება საკუთარი თავი პოლიტიკაში გამოსცადოს.
მისი თქმით, ბურჭულაძე მსოფლიოში საქვეყნოდ აღიარებული საამაყო ბანია, მაგრამ მისი პოლიტიკური კარიერა როგორ წავა, ამას დრო აჩვენებს.
„ამას ალბათ, უარყოფითი თვისებებიც აქვს. როცა პოლიტიკაში მიდიხარ, საზოგადობა შენს მიმართ იყოფა და შეიძლება, მთელი შენი შემოქმედება წყალში ჩაიყაროს. სამწუხაროდ, პოლიტიკა ასეთი რაღაცაა. ზოგს უმართლებს. მაგალითად, რეიგანს. ის ძალიან დიდი ქველმოქმედი იყო... მაგრამ მგონია, რომ წინა ხელისუფლების დროს ბურჭულაძე ბევრ იმ მოვლენაზე თვალს ხუჭავდა და არ მახსოვს, რომ მას როგორც მოქალაქეს განცხადება გაეკეთებინა. ნაციონალების დროს, ბურჭულაძის ხმა არც გირგვილიანის საქმეზე და არც მწვავე დანაშაულებზე არ მახსოვს. შეიძლება, ეს მას გაახსენონ და ძალიან მკაფიოდ უთხრან, სად იყავი მაშინ, როგორც მოქალაქე და ამაზე რეაგირება რატომ არ გქონდაო“, - აცხადებს ქანთარია.
დეპუტატი ამასტანავე არ გამორიცხავს, რომ პოლიტიკაში მოსული ბურჭულაძე, ხელისუფლების ალტერნატივაც იყოს.
პაატა ბურჭულაძემ დღეს, პოლიტიკაში მოსვლა არ გამორიცხა.
