პარლამენტის საგარეო ურთიერთობათა კომიტეტის თავმჯდომარე თედო ჯაფარიძე საქართველოში ამერიკის ელჩს, იან კელის შეხვდა.
როგორც ჟურნალისტებს შეხვედრის დასრულების შემდეგ, ჯაფარიძემ განუცხადა, შეხვედრაზე ყურადღება ორმხრივ ურთიერთობებზე გამახვილდა, რადგან ამ მხრივ უამრავი საინტერესო საკითხი არსებობს.
მისი თქმით, შეუძლებელი იყო, შეხვედრაზე საუბარი მიმდინარე მოვლენებს არ შეხებოდა. მათ შორის, პარიზში მომხდარ ტრაგიკულ მოვლენებს.
„ჩვენ ერთმანეთს სწორედ ანტალიაში შეხვედრის შემდეგ შევხვდით, სადაც ოცეულის შეხვედრა შედგა. რაც მთავარია, ამ ღონისძიების დროს ორმხრივი შეხვედრები მოხდა ობამასა და პუტინს შორის. ურთიერთობების პერსპექტივები განვიხილეთ. ჩვენ შევთანხმდით იმაზე, რომ ალბათ, მომავალი წლის იანვარში, საკომიტეტო მოსმენაზე ელჩს მოვიწვევთ და ყველა იმ თემას განვიხილავთ, რომელიც ორმხრივ ურთიერთობებს ეხება“,- განაცხადა ჯაფარიძემ.
