რუსეთის საგარეო საქმეთა მინისტრის მოადგილე გრიგორი კარასინი აცხადებს, რომ სავიზო რეჟიმის ლიბერალიზაციაზე მუშაობა მიმდინარეობს, თუმცა, ახლო აღმოსავლეთში მიმდინარე მოვლენების გამო საკითხი მარტივად არ დგას.
მისივე თქმით, ბოლო დროს გააქტიურებულია ქართულ-რუსული არასამთავრობო ორგანიზაციების თანამშრომლობა.
,,გვინდა რომ ამ პროცესებმა როგორღაც გვერდი აუაროს ჩვენი და საქართველოს ორმხრივ ურთიერთობას. თავდაუზოგავად ვმუშაობთ ამ თემებზე და ნამდვილად შეგვიძლია რაღაც საკითხები გადავჭრათ ამ სფეროში. გარდა ამისა, ბოლო ორი წლის განმავლობაში გააქტიურდა კონტაქტები ჩვენს არასამთავრობო და საზოგადოებრივ ორგანიზაციებს შორის. მათ შორის სტუდენტურ ორგანიზაციებს, მეცნიერებს შორის, რაც ძალიან კარგია, რადგან ხალხს საშუალება აქვს განიხილოს ყველა ის საკითხი, მათ შორის რთულიც, რომლებსაც აქ გავურბივართ, გასაგები მიზეზების გამო. ამჯერად ჩვენი დელეგაცია გავაფართოვეთ. შევიყვანეთ ტრანსპორტის მინისტრის თანაშემწე და ამ სფეროში უფრო დეტალურად ვილაპარაკებთ," - განაცხადა გრიგორი კარასინმა და დასძინა, რომ მას სმენია, თითქოს რუსულ მხარეს ვიზების გამარტივების საკითხზე უკვე მიღებული აქვს კონკრეტული გადაწყვეტილება.
პრაღაში გრიგორი კარასინისა და ზურაბ აბაშიძის მორიგი მოლაპარაკება მიმდინარეობს.
