ინფრასტრუქტურის მინისტრის მოადგილის, თენგიზ შერგელაშვილის განცხადებით, სხვადასხვა პროექტებთან დაკავშირებით, საავანსო თანხების გადარიცხვის პრაქტიკა არსებობს, საავანსო თანხის გაცემა შესაბამისი საბანკო გარანტიით კეთდება და „ალტკომს” ფული უბრალოდ არ მიუღია.
სამტრედიის მონაკვეთზე, ავტობანის მშენებლობასთან დაკავშირებით, შერგელაშვილმა ოპოზიციონერი დეპუტატის, მიხეილ მაჭავარიანის განცხადების საპასუხოდ განაცხადა, რომელმაც აღნიშნა, რომ „ალტკომმა” ტენდერი 2013 წელს მოიგო და მას ავანსის სახით თანხის 30% - 42 მილიონი ჩაერიცხა.
მინისტრის მოადგილის თქმით, კომპანიას და ნაწილობრივ იმ საფინანსო ინსტიტუტებსაც შეექმნა პრობლემა, ვისთანაც მას ჰქონდა ურთიერთობა.
„საშუალება გვქონდა ერთის მხრივ ძალიან გრძელ სამართლებრივ დავებში ჩავრთულიყავით და პროექტი შეწყვეტილიყო, ხოლო მეორეს მხრივ, მუშაობა აღგვედგინა. მოლაპარაკებები გაიმართა და ივნისს-ივლისის თვიდან სამუშაოები დაიწყო. ამ პროექტის შესრულების ვადა გადაიწევს, მაგრამ პროექტს რომ საფრთხე არ შეექმნას, ამაზე არის ყოველდღიური მუშაობა”, - დასძინა შერგელაშვილმა.
