ტურიზმის ეროვნული ადმინისტრაცია ახალი სახელმძღვანელოს პრეზენტაციას გამართავს. „სახელმძღვანელო შემომყვანი ტურიზმის ბიზნესის დასაგეგმად“ წარმოადგენს პირველ გამოცემას და გამოსადეგი იქნება საერთაშორისო მოგზაურების მოზიდვით დაინტერესებული როგორც დამწყები, ასევე უკვე დაფუძნებული კომპანიებისთვის. საწყის ეტაპზე სახელმძღვანელოს ტირაჟი 250 ეგზემპლიარია, რისთვისაც 1640 ლარი დაიხარჯა.
პრეზენტაციას ტურიზმის ეროვნული ადმინისტრაციის წარმომადგენლები, ტუროპერატორები და სხვადასხვა უნივერსიტეტის ლექტორები დაესწრებიან. სახელმძღვანელო ტურიზმის ეროვნული ადმინისტრაციის კვლევებისა და დაგეგმვის სამმართველომ მოამზადა.
