გენერალური აუდიტორი ლაშა თორდია მიიჩნევს, რომ საჯარო მოხელეები სახელფასო დანამატსა და პრემიას ზეგანაკვეთური შრომისთვის უნდა იღებდნენ.
სახელმწიფო აუდიტის სამსახურში დღესვ გამართულ ბრიფინგზე თორდიამ ასევე განაცხადა, რომ
დანამატი და პრემია არ შეიძლება წინასწარ იყოს განსაზღვრული.
,,საჯარო უწყებებში პრემია და დანამატი უნდა გაიცეს, თუმცა იმ რეგულაციების ფარგლებში, რაც კანონმდებლობით არის დადგენილი. რომელიც, თავის მხრივ, ზეგანაკვეთური შრომის შედეგად, ან უქმე დღეებში მუშაობის გამო მიღებულ გასამრჯელოს გულისხმობს. არ შეიძლება ცალკეული საჯარო მოხელეებისთვის დანამატისა და პრემიის ოდენობა წინასწარ იყოს განსაზღვრული. საქართველოს მთავრობის სულისკვეთება იყო, რომ პრემიების რაოდენობა შემცირებულიყო. თანხობრივ გამოხატულებაში აუდიტის სამსახური ხედავს, რომ პრემიები შემცირდა, თუმცა გაიზარდა დანამატების ოდენობა“, - განაცხადა თორდიამ.
მისივე თქმით, გასულ წელთან შედარებით, პრემიების ოდენობა 31 მლნ ლარით შემცირდა, თუმცა დანამატების რაოდენობა 45 მლნ ლარით არის გაზრდილი.
