დღეს უნდა გახდეს ცნობილი, დაიკითხება თუ არა სერგო თეთრაძის საქმეზე თავდაცვის ყოფილი მინისტრი ირაკლი ალასანია. ამ შუამდგომლობით სასამართლოს ბრალდებული ბაჩო ახალაიას ადვოკატებმა მიმართეს.
შუამდგომლობის საფუძველი სახელმწიფო ბრალდების მიერ წარმოდგენილი ერთერთი მოწმის ჩვენება გახდა. დაცვის მხარის თქმით, მნიშვნელოვანია ირაკლი ალასანიას დაკითხვა, რადგან გადამოწმდეს ის ფაქტები, რაზეც მოწმე საუბრობდა.
„ერთერთმა მოწმემ განაცხადა, რომ ის შეხვდა ირაკლი ალასანიას, როდესაც ის თავდაცვის მინისტრი იყო, მას ესაუბრა განსახილველ საქმესთან დაკავშირებით და მიაწოდა გარკვეული სია,“ - განაცხადა ადვოკატმა მალხაზ ველიჯანაშვილმა.
