პარლამენტის თავდაცვისა და უშიშროების კომიტეტის თავმჯდომარე, ირაკლი სესიაშვილი არ გამორიცხავს, რომ მოვლენების განვითარების შესაბამისად, საქართველოს ,,ლტოლვილთა ნაკადი მოაწყდეს“.
მისი შეფასებით, საქართველოსთვის საფრთხეს, პირველ რიგში, გეოგრაფიული მდებარეობა წარმოადგენს.
,ახლოს ვართ სირიასთან და იმის მიხედვით, თუ როგორ განვითარდება სირიაში მოვლენები, შესაძლოა, ლტოლვილთა ნაკადი მოგვაწყდეს, შეიძლება საქართველოს გავლით შეეცადოს ვინმე ევროპაში წასვლას და ა. შ. მეორე – რეალურად დამაფიქრებელია „ხალიფატის სახელმწიფო“, რომელსაც „ისლამური სახელმწიფო“ აღიარებს ჩრდილოეთ კავკასიაში და ჩვენ, ფაქტობრივად, ხალიფატსა და „ისლამურ სახელმწიფოს“ შუაში ვართ. ჩრდილოეთ კავკასიაში არიან ჯგუფები, რომელთაც სურთ „ისლამურ სახელმწიფოს“ შეუერთდნენ, ჩვენ ვართ გზაჯვარედინზე. აქ შეიძლება მოძრაობა შეინიშნოს, ვიღაც შეიძლება გადავიდეს, ვიღაც გაიჭედოს..“,- განაცხადა კვირის პრესკლუბში დეპუტატმა.
იგი საქართველოს ,,ძლიერ მხარეებზეც“ ამახვილებს ყურადღებას და აცხადებს, რომ
უმნიშვნელოვანესია აშშ-სთან და ნატოს წევრ ქვეყნებთან თანამშრომლობა.
