საპარლამენტო უმრავლესობის წევრის გედევან ფოფხაძის შეფასებით, ერთიანი ნაციონალური მოძრაობა ,,თვითონ არ არის შორს ტერორისტული იდეოლოგიისგან“, შესაბამისად მათი რეკომენდაციები არ აინტერესებს. დეპუტატმა ამის შესახებ ენმ-ის მიერ, უშიშროების საბჭოს მოწვევის ინიციატივის შეფასებისას განაცხადა.
,,მგონია, რომ ნაციონალური მოძრაობა თვითონ არ არის შორს იმ იდეოლოგიისგან, რასაც ტერორისტული იდეოლოგია ჰქვია. საერთოდ არ მაინტერესებს, მაგენი რა რეკომენდაციით შემოვლენ. ერთმა ცალკე აღებულმა სახელმწიფომ რაც არ უნდა შეიმუშაოს ასეთ საფრთხესთან, წინააღმდეგობას ვერ გაწევს. ეს არის მსოფლიოს პრობლემა და ყველა სახელმწიფო კოორდინირებულად და შეთანხმებულად უნდა მოქმედებდეს”, - აღნიშნა ფოფხაძემ.
შეგახსენებთ, ენმ პრეზიდენტს მოუწოდებს, უშიშროების საბჭოს სხდომის ფარგლებში, ქვეყნის წინაშე არსებული საფრთხეები განიხილოს.
