ადვოკატ გიორგი მდინარაძის ცემისთვის დაკავებული პოლიციიის მაღალჩინოსნის სასამართლო პროცესი რესპუბლიკურ საავადმყოფოში მიმდინარეობს. ვაკე-საბურთალოს პოლიციის განყოფილების ყოფილი უფროსის ლაშა კვირკვაიას პროცესსმოსამართლე ნინო ელიეშვილის გადაწყვეტილებით, მხოლოდ პროცესის მონაწილეები ესწრებიან. მასზე დასწრების საშუალება არ მიეცა დაზარალებულ გიორგი მდინარაძესაც. სხდომას ესწრებიან ბრალდებულისა და დაზარალებულის ადვოკატები, ასევე, "ადვოკატთა ასოციაციის" თავმჯდომარე ზაზა ხატიაშვილი.
პროკურატურა კვირკვაიასთვის პატიმრობას ითხოვს, დაცვის მხარე კი უკიდურეს შემთხვევაში თანახმაა 7 ათას ლარიან გირაოზე.
ადვოკატზე ძალადობის ბრალდებით დაკავებული პოლიციელის ჯანმრთელობის მდგომარეობა შიმშილობის გამო გაუარესდა.
იგი ამტკიცებს, რომ დაპირისპირება განყოფილებაში გიორგი მდინარაძის პროვოცირებული იყო და მას ბრალს უსამართლოდ უყენებენ. პროტესტის ნიშნად კვირკვაია საკვებისა და წყალთან ერთად უარს ამბობს მედიკამენტების მიღებაზეც.
ლაშა კვირკვაიას სამსახურიებრივი უფლებამოსიელების გადამეტებისთვის ბრალი ოფიციალრუად გუშინ, დღის მეორე ნახევარში წარუდგინეს. დღეს კი სასამართლომ მისთვის აღკვეთის ღონისძიების საკითხი უნდა განიხილოს.
