მმართველი კოალიცია დაუპირისპირდა თავის დაპირებებს. ამის შესახებ რუსთავი 2-ის ეთრში თავისუფალი დემოკრატების ლიდერმა ირაკლი ალასანიამ განაცხადა.
ალასანიამ აღნიშნა, რომ მედიისა და მესამე სექტორის მიმართ ყოფილი პრემიერისა და მმართველი კოალიციის მხრიდან არსებული პოლიტიკა მიუღებელია.
"მმართველი კოალიცია დაუპირისპირდა თავის დაპირებებს რომელიც 2102 წელს მისცეს ხალხს. ერთ-ერთი მთავარი ამოცანა მედიის გათავისუფლება იყო. ამას უარყოფითად აფასებს საზოგადოებაც. ასევე მოქალაქეები ამბობენ, რომ დღევანდელმა კოალიციამ უღალატა იმ დაპირებებს რისთვისაც მოსახლეობამ მხარი დაუჭირა კოალიციას", - განაცხადა ირაკლი ალასანიამ.
თავისუფალი დემოკრატების ლიდერი პრეზიდენტის მიმართ დაწყებულ კამპანიასაც გამოეხმაურა და თქვა, რომ ასეთი შეტევები პრეზიდენტის ინსტიტუტის მიმართ ქვეყნის იმიჯს სერიოზულად აზიანებს.
"მეუხერხულება, მრცხვენია და გული მტკივა რომ ჩვენი ქვეყნის იმიჯი ევროპაში ილახება პრეზიდენტზე ასეთი შეტევების გამო. როდემდე შეიძლება გაგრძელდეს პირად დამოკიდებულებებზე სახელმწიფო პოლიტიკის და მთავრობის პოლიტიკის აგება. ხალხს მობეზრდა ასეთი არასერიოზულობა ჩვენი მთავრობის", - აცხადებს ირაკლი ალასანია.
