,,პატრიოტთა ალიანსის“ ლიდერი ირმა ინაშვილი მიიჩნევს, რომ თავდაცვის მინისტრის პრეროგატივა არაა განიხილოს პრეზიდენტის მრჩევლის, ფიქრია ჩიხრაძის მიერ მოშიმშილეთა მონახულების საკითხი.
საგარეჯოში შუალედური არჩევნების შედეების გამო მოშიმშილე ირმა ინაშვილი თინა ხიდაშელს მიმართავს და აცხადებს, რომ მოშიმშილეებთან სტუმრობისას ჩიხრაძეს არანაირი შეფასებები არ გაუკეთებია.
„ვაფასებ იმას, რომ გამოაგზავნა ქალბატონი ფიქრია ჩიხრაძე. მან ასევე მოგვთხოვა ინფორმაცია, ფაქტები, რაც გვაქვს საგარეჯოს არჩევნებთან დაკავშირებით. არავითარი შეფასებები ქალბატონ ფიქრიას არ გაუკეთებია და რომც გაეკეთებინა რა თინა ხიდაშელის საქმე და პრეროგატივაა. ჯარს მიხედე რა, სანამ გამოგათრიე მაგ სამინისტროდან“, - განაცხადა ირმა ინაშვილმა.
შეგახსენებთ, პატრიოტთა ალიანსის წევრები საგარეჯოში შუალედური არჩევნების შედეგებს აპროტესტებენ და შიმშილობენ. ისინი რესპუბლიკური პარტიის წევრი მინისტრების გიგლა აგულაშვილისა და თინა ხიდაშელის გადადგომას ითხოვენ, რომლებიც ჩართული იყვნენ ინაშვილის კონკურენტის თამარ ხიდაშელის წინასაარჩევნო კამპანიაში.
