ფინანსთა სამინისტროს 2016 წლისათვის, პენსიის გაზრდის საკითხთან დაკავშირებით, კონკრეტული პასუხი ჯერ არ აქვს.
პარლამენტში 2016 წლის სახელმწიფო ბიუჯეტთან დაკავშირებით, პოლიტიკური დებატები მიმდინარეობს. პლენარულ სხდომაზე დეპუტატები ბიუჯეტთან დაკავშირებით საკუთარ პოზიციას აფიქსირებენ და ვინაიდან, სხდომას ნაციონალები არ ესწრებიან, ტრიბუნას მხოლოდ უმრავლესობის წევრები იკავებენ.
ფინანსთა მინისტრმა, ნოდარ ხადურმა გამოსვლისას ყურადება ბიუჯეტის პარამეტრებზე გაამახვილა და განაცხადა, რომ ბიუჯეტის პრიორიტეტული მიმართულებები - ჯანდაცვა, განათლება და სოფლის მეურნეობაა.
ამას გარდა, მინისტრმა პენსიების ზრდაზეც ისაუბრა და აღნიშნა, რომ ფინანსთა სამინისტროს 2016 წლისათვის პენსიის გაზრდის საკითხთან დაკავშირებით კონკრეტული პასუხი ჯერ არ აქვს.
მისი თქმით, მთავრობა საკითხზე პოზიციებს შეაჯერებს.
პარლამენტი ბიუჯეტის პროექტს მთავრობას შენიშვნებითურთ დღეს უკან გადაუგზავნის, შემდე კი დოკუმენტი უკან ნოემბრის ბოლომდე დაბრუნდება.
