მიხეილ სააკაშვილისთვის საქართველოს მოქალაქეობის შეწყვეტის შესახებ დასკვნა საქართველოს პრეზიდენტს დეკემბრის პირველ რიცხვებში წარედგინება. - ამის შესახებ იუსტიციის მინისტრმა თეა წულუკიანმა ჟურნალისტებთან განაცხადა. მისივე თქმით, საქართველოს ყოფილ პრეზიდენტს წერილი რამდენიმე დღის წინ, ოდესაში ჩაბარდა.
მინისტრის განმარტებით, მას აქვს ოთხკვირიანი ვადა იმისთვის, ამ საკითხთან დაკავშირებით თავისი პოზიცია წარმოადგინოს. ,,დეკემბრის პირველ რიცხვებში ჩვენ უკვე შეწყვეტის შესახებ დასკვნას წარვუდგენთ საქართველოს პრეზიდენტს, რომელიც მიიღებს საბოლოო გადაწყვეტილებას", - განაცხადა წულუკიანმა.
