პარლამენტის ადამიანის უფლებათა დაცვის კომიტეტის თავმჯდომარე ეკა ბესელია ადვოკატ გიორგი მდინარაძის ცემის ფაქტზე ადეკვატურ რეაგირებას ითხოვს.
დღევანდელ პლენარულ სხდომაზე, ბესელიამ ადვოკატის ცემის ფაქტი დაგმო და განაცხადა, რომ ამ საქმეთან დაკავშირებით, მისი კომიტეტი მონიტორინგს გააგრძელებს.
მისი თქმით, ადვოკატის ცემის ფაქტი საჭიროებს ძალიან სწრაფ, მიუკერძოებელ, ობიექტურ გამოძიებას და იმ პირთა პასუხისმგებლობის საკითხის დაყენებას, ვინც ამ პროცესში მონაწილეობდა.
„მინდა, ამ ინსტიტუტს სოლიდარობა გამოვუცხადო. იცით, რომ იურიდიული დამხარების სამსახური დამოუკიდებელია და მასში არცერთ სამინისტროში არ შედის, ის პარლამენტთან პირდაპირ ანგარიშვალდებულია. ამიტომ, ძალიან მნიშვნელოვანია, რომ ადვოკატებმა ჩვენი მხარდაჭერა იგრძნონ. ადვოკატის ცემის ფაქტი ჩრდილს იმ რეფორმებს მიაყენებს, რომელსაც ძალიან ვახორცილებეთ. ასეთ ფონზე თვალის დახუჭვა არ შეიძლება“, - განაცხადა ბესელიამ.
რამდენიმე დღის წინ, ვაკე-საბურთალოს მეხუთე განყოფილებაში სამართალდამცავებმა ადვოკატი გიორგი მდინარაძე სცემეს.
