პარლამენტის საფინანსო-საბიუჯეტო კომიტეტის თავმჯდომარე თამაზ მეჭიაური მიიჩნევს, რომ პრეზიდენტ გიორგი მარგველაშვილმა ავლაბრის რეზიდენცია უნდა დატოვოს.
როგორც ჟურნალისტებს მეჭიაურმა განუცხადა, რეზიდენციიდან პრეზიდენტის გამოსახლებასთან დაკავშირებით, სამართლებრივი გზა არსებობს.
მისი თქმით, ყველას თავისი სამუშაო ადგილი აქვს განსაზღვრული.
„მას გაცხადებული ჰქონდა გაკეთებული, რომ ის იქ მუშაობას არ აპირებდა. ის ძალიან კარგად ეტეოდა იქ, სადაც მისი ადგილი იყო განსაზღვრული. მარგველაშვილმა სხვა პრეზიდენტების სასახლეებს გადახედოს, რომელთაც ასეთი პომპეზური შენობები არ აქვთ. ავლაბრის რეზიდენცია ლამიც თეთრ სახლზე დიდია“,- განაცხადა მეჭიაურმა.
ავლაბრის რეზიდენციის საკითხი პოლიტიკურ დღის წესრიგში ისევ ყოფილმა პრემიერ-მინისტრმა, ბიძინა ივანიშვილმა გააქტიურა. მმართველი გუნდი მიიჩნევს, რომ გიორგი მარგველაშვილი ათონელის ქუჩაზე მდებარე რეზიდენციაში უნდა გადავიდეს.
