ინდონეზიაში საქართველოს საელჩოში საგანმანათლებლო პროექტის „ კონკურსი - საუკეთესო ესე საქართველოს შესახებ“ გამარჯვებულთა საზეიმო დაჯილდოების ცერემონია გაიმართა.
საგარეო სამინისტროს ინფორმაციით, პროექტი განხორციელდა ჯაკარტაში ენის სასწავლო ცენტრის „LEAVCO”, ბაკრის უნივერსიტეტისა და საქართველოს საელჩოს ერთობლივი ძალისხმევით. კონკურსში მონაწილეობა მიიღო ინდონეზიის საშუალო სკოლის მოსწავლეებმა და უმაღლესის სასწავლებლის სტუდენტებმა. 200-მდე კონსულტანტის ნაშრომები სამი თემატიკას მოიცავდა - საქართველოს ისტორია, ენა და კულტურა; ინდონეზია-საქართველოს ორმხრივი ურთიერთობები და საქართველოს როლი ევრაზიის კონტინენტზე.
საქართველოს ელჩმა ზურაბ ალექსიძემ კონკურსის 10 გამარჯვებულს გადასცა მადლობის სიგელები, ქართულიტრადიციული სუვენირები და წარმატებები უსურვა მათ მომავალ საქმიანობაში. ელჩმა თავის გამოსვლაში მადლობა გადაუხადაპროექტის მხარდამჭერ ორგანიზაციებს, კერძოდ ინდონეზიის საგარეო საქმეთა სამინისტროს, ბაკრის უნივერსიტეტს, აგრეთვე ენების სასწავლო ცენტრს “LEAVCO” და ხაზი გაუსვა პროექტის მნიშვნელობას, რაც ხელს შეუწყობს ინდონეზიაში საქართველოსშესახებ ცნობადობის ამაღლებას და ხალხთაშორისი კონტაქტების გაღრმავებას. საღამოზე საგანგებოდ მოწვეულმა ინდონეზიურმაგუნდმა შეასრულა საქართველოს ეროვნული ჰიმნი, და ქართული ხალხური სიმღერა.
საქართველოს საელჩო სტუმრებს გაუმასპინძლდა ქართული ღვინით და კერძებით. ღონისძიება ფართოდ გაშუქდა ინდონეზიური საინფორმაციო საშუალებების მიერ.
