ოპოზიციონერი დეპუტატი ნინო გოგუაძე მიჩნევს, რომ საქართველოში პოლიტიკური პროცესები 2016 წლის არჩევნებამდე წყნარად და მშვიდად უნდა მივიდეს.
როგორც ჟურნალისტებს გოგუაძემ განუცხადა, „თავისუფალმა დემოკრატებმა“ პარლამენტის თავმჯდომარე დავით უსუფაშვილთან გამართულ შეხვედრაზე ქვეყანაში მიმდინარე პროცესებზე ისაუბრეს.
მისი შეფასებით, საარჩევნო გარემო თავისუფალი უნდა იყოს და პოლიტიკოსებმა ყოველგვარი ძალადობისგან თავი უნდა შეიკავონ.
„პოლიტიკოსები იმიტომ არსებობენ, რომ ქვეყანაში ხალხი დააწყნარონ და პროცესები სამართლებრივი გზით მიმდინარეობდეს. ქვეყანა არჩევნებამდე წყნარად და მშვიდად უნდა მივიყვანოთ, სადაც საქართველოს მოსახლეობა გადაწყვეტს, ვისი ყოფნა სურს მთავრობაში“, - განაცხადა გოგუაძემ.
