ფრაქცია „თავისუფალი დემოკრატების“ თავმჯდომარე ირაკლი ჩიქოვანი დარწმუნებული არ არის, რომ პირადი ცხოვრებისა და წამების ამსახველი კადრების გავრცელება ხვალ და ზეგ ისევ არ მოხდება.
როგორც ჟურნალისტებს ჩიქოვანმა განუცხადა, „თავისუფალი დემოკრატებისთვის“ აბსოლიტურად მიუღებელია ის, რაც ქვეყანაში ხდებოდა.
„როცა სახელმწიფო საკუთარ მოქალაქეს ასეთ რაღაცას უკეთებს, ეს საშინელებაა, მაგრამ ამავდროულად, საშინელებაა ის, რომ ეს კადრები დღეს, ჩვენს საზოგადოებას პერმანენტული შოკის პირობებში ამყოფებს. დარწმუნებული არ ვართ, რომ ხვალ და ზეგ კიდევ ახალი კადრები არ გამოვა და ჩვენი საზოგადოება დათრგუნული ისევ დაძაბულობაში არ იქნება. ვინც არ უნდა იყოს დამნაშავე, ის უნდა დასაჯონ“, - განაცხადა ჩიქოვანმა.
ფრაქცია ,,თავისუფალი დემოკრატები” პარლამენტის თავმჯდომარეს ხვდებიან, სადაც ქვეყანაში შექმნილი მდგომარეობის დეესკალაციაზე მსჯელობენ.
