,,თავისუფალი დემოკრატების” ლიდერის ირაკლი ალასანიას შეფასებით, საქართველოს პრემიემინისტრმა სახე კიდევ ერთხელ დაკარგა, - ამის შესახებ მან ირაკლი ღარიბაშვილის გუშინდელი განცხადების შეფასებისას განაცხადა.
"პრემიერმინისტრმა მერამდენეჯერ სახე დაკარგა. მიუღებელია ის დამოკიდებულებაც, რაც პრეზიდენტის განცხადებამ გამოიწვია, რომელმაც საზოგადოებას სიმშვიდისკენ, შეკრულობისკენ მოუწოდა," - განაცხადა ალასანიამ.
მან ასევე აღნიშნა, რომ აშშ-ში, სადაც იგი ვიზიტით იმყოფება, რუსთავი 2-თან დაკავშირებით ყველა ღელავს.
„აქ ყველა ძალიან ღელავს პოლიტიკური კრიზისის გამო, რომელიც ბოლო პერიოდში რუსთავი 2-სა და მედიის წინააღმდეგ გადადგმულ ნაბიჯებთან დაკავშირებით. თუ საქართველო უნდა იყოს წარმატებული, რაც უფრო მეტად გავაღრმავებთ დაპირისპირებას, წავართმევთ ხალხს მედიის თავისუფლებას, საქართველო დაშორდება მიზანს, რომ ევროპული, ცივილიზებული სამყაროს ნაწილი გახდეს," - განაცხადა ალასანიამ.
