პარლამენტის გარემოს დაცვის კომიტეტის თავმჯდომარეს, გია ჟორჟოლიანს მიაჩნია, რომ ქვეყანაში საკონსტიტუციო წესრიგის პრობლემა არ დგას. შესაბამისად, პრეზიდენტ გიორგი მარგველაშვილთან ამ საკითხზე კონსულტაციები არ უნდა გაიმართოს.
როგორც „ჯი-ეჩ-ენ“-ს ჟორჟოლიანმა განუცხადა, ეს საკითხი აქტუალური არ არის.
„კონსულტაცია ყველასთან ყველაფერზე შეიძლება, მაგრამ ეს საკითხი პოლიტიკურ დღის წესრიგში არ დგას. ქვეყანაში არც პოლიტიკური კრიზისია, არც საკონსტიტუციო წესრიგს არ შექმნია პრობლემა და არც სამოქალაქო დაპირისპირებას არ აქვს ადგილი. სახეზეა ცალკეული ჯგუფების ინსინოვაციები და ამას არ უნდა ავყვეთ. სხვა საკითხზე ყველას დაველაპარაკებით. მათ შორის პრეზიდენტსაც, მაგრამ ეს საკითხი ცარიელია“, - დასძინა ჟორჟოლიანმა.
პრეზიდენტი კონსტიტუციური წესრიგის თაობაზე მმართველ გუნდს კონსულტაციებს სთავაზობს.
