პარლამენტის საგარეო ურთიერთობათა კომიტეტის თავმჯდომარის პირველი მოადგილის, ზვიად კვაჭანტირაძის შეფასებით, პრეზიდენტ გიორგი მარგველაშვილის მიერ დღეს გაკეთებული შეფასებები გადამეტებული იყო.
როგორც ჟურნალისტებს კვაჭანტირაძემ განუცხადა, პრეზიდენტის განცხადებას პრეზიდენტის ადმინისტრაციიდან ზარები მოჰყვა.
„პრეზიდენტი საკმაოდ აღელვებული მომეჩვენა. ვფიქრობ, რომ მის გამოსვლაში აქცენტები ცოტა გადამეტებულად იყო გაკეთებული. ჩემთვის აბსოლუტურად გაუგებარია, რის საფუძველზე, რომელი მოტივაციიდან შეიძლება დღეს ვისაუბროთ, რომ საქართველოში კონსტიტუციურ წესრიგს რაიმე საფრთხე ელოდება?! ნებისმიერ იურისტს შეუძლია განმარტოს, კონსტიტუციური წესრიგი რას ნიშნავს. ქვეყანაში ამის საფრთხის არანაირი ნიშანწყალი არ არსებობს. აქედან გამომდინარე, თუ პრეზიდენტის გამოსვლის მოტივაცია ეს იყო, ეს არასწორი იყო“, - განაცხადა კვაჭანტირაძემ.
