,,მე მაქვს წუხილი, როგორ გაუძლებს ამ ვერბალურ ზეწოლას მოსამართლე, როცა სახელმწიფოს მეთაური აკეთებს ასეთ განცხადებას” - ამის შესახებ იუსტიციის მინისტრმა თეა წულუკიანმა პრეზიდენტის დღევანდელი განცხადების შფასებისას განაცხადა. მისივე თქმით, ზოგჯერ გვავიწყდება, რომ მოსამართლეც ადამიანია.
,,მოსამართლეს, იმისთვის, რომ მიიღოს სწორი გადაწყვეტილება, სჭირდება ემოციური სიმშვიდე. როდესაც მოსამართლეზე ხდება პერმანენტული თავდასხმები ყველა მხრიდან, როდესაც უკვე სახელმწიფოს მეთაური აკეთებს ასეთ განცხადებებს, მე მაქვს წუხილი, როგორ გაუძლებს ამ ვერბალურ ზეწოლას მოსამართლე, მაგრამ მე მჯერა, რომ მოსამართლე მშვიდად, აუღელვებლად, მხოლოდ მტკიცებულებებზე დაყრდნობით გადაწყვეტს იმას, რაც გამომდინარეობს საქმის მტკიცებულებებიდან", - განაცხადა თეა წულუკიანმა.
მისივე განცხადებით, არ იცის თუ რა გამომდინარეობს საქმის მტკიცებულებებიდან.
,,ველოდები გადაწყვეტილებას, რომ გავიგოთ, სად არის სიმართლე და მოვუწოდებ ყველას, მოსამართლეს მივცეთ სიმშვიდის უფლება", - განაცხადა თეა წულუკიანმა.
პრეზიდეტმა დღეს გამართულ სპეციალურ ბრიფინგზე მოსამართლე ურთმელიძეს მოუწოდა, ,,რუსთავი 2” - თან დაკავშირებით არ მიიღოს ნაჩქარევი და ხისტი გადაწყვეტილება.
