პარლამენტის თავმჯდომარე დავით უსუფაშვილი პოლიტიკოსებს მასთან თანამშრომლობისა და დიალოგისთვის, მომავალში აუცილებელ წინაპირობებს უყენებს, - ამასთან დაკავშირებით იგი სპეციალურ განცხადებას ავრცელებს.
„ყველა პოლიტიკოსმა, ხელისუფლებაში მყოფმა თუ ოპოზიციონერმა, ცალსახად და უპირობოდ უარი უნდა ვთქვათ:
ა) ნებისმიერი სახის ძალადობისა და ფიზიკური დაპირისპირების პირდაპირ თუ არაპირდაპირ მოწოდებაზე თუ გამართლებაზე;
ბ) ნებისმიერი სახის დაუმორჩილებლობაზე სასამართლოს, პოლიციის და სხვა უფლებამოსილი სახელმწიფო ორგანოების გადაწყვეტილებებისადმი.
მომავალში ამ მინიმალისტური სტანდარტების დაკმაყოფილება აუცილებელი წინაპირობაა ნებისმიერ პოლიტიკოსთან ჩემი მხრიდან თანამშრომლობის ან დიალოგის გაგრძელებისთვის“, - აცხადებს უსუფაშვილი.
