ფრაქცია ქართული ოცნების თავმჯდომარე, გიორგი ვოლსკი მიიჩნევს, რომ პრეზიდენტმა ვითარებასთან შესაბამისი განცხადება არ გააკეთა. საქართველოს პრეზიდენტის მიერ სპეციალურ ბრიფინგზე გაკეთებული განცხადების კომენტირებისას მან აღნიშნა, რომ ეს არ იყო სტაბილიზაციისკენ მიმართული განცხადება.
„თუკი პრეზიდენტი თვლის, რომ რაღაც განცხადებებმა დაძაბულობა მოიტანოს, კარგი იქნება ერთხელ მაინც ადეკვატური განცხადება გააკეთოს იმ პათოსით, რომ დაძაბულობა მოხსნას. თუ თვლის, რომ დაძაბულობის მომტანი განცხადებებია გაკეთებული, მაშინ თავად გააკეთოს ისეთი განცხადება, რომელიც ვითარების სტაბილიზაციისკენ იქნება მიმართული. ვითარებასთან შესაბამისი განცხადება პრეზიდენტმა არ გააკეთა,“ - განაცხადა გიორგი ვოლსკიმ.
