ევროატლანტიკურ სტრუქტურებში ინტეგრაციის საკითხებში სახელმწიფო მინისტრის, დავით ბაქრაძის ცნობით, მისი აპარატი ქვეყნის ევროპულ სტრუქტურებში გაწევრიანებასთან დაკავშირებით, შეხვედრებს მართმადიდებელი ეკლესიის სასულიერო პირებთანაც მართავს.
როგორც პარლამენტის ორი კომიტეტის გაერთიანებულ სხდომაზე, ბაქრაძემ განაცხადა, კომუნიკაციის სტრატეგიიდან გამომდინარე, ჩატარებულია 350 შეხვედრა.
„შეხვედრები ისეთ რეგიონეში გაიმართა, სადაც ეთნიკური უმცირესობების წარმომადგენლები ცხოვრობენ და რუსული მედიის გამოყენების მოცულობა მაღალია. ამ შემთხვევაში, ჩვენი სამიზნეა, ინფორმაციის გამავრცელებლები. კერძოდ, მუნიციპალიტეტის წარმომადგენლები, მასწავლებლები და ქართული მართმადიდებელი ეკლესიის მსახურები. საპატრიარქოსთან ძალიან კარგი ურთიერთობა გვაქვს იმ კუთხით, რომ ეპარქიებში დავდივართ და სასულიერო პირებთან შეხვედრები გვაქვს, სადაც იმ პრიორიტეტებზე ვსაუბრობთ, რაც ევროპული გზის უალტერნატიობაზე მიუთითებს“, - განაცხადა ბაქრაძემ.
