რუსთავი 2 -ის გენდირექტორის ნიკა გვარამიას განცხადებით, მთავარი მოთხოვნა დღევანდელ სასამართლო პროცესზე მოსამართლე თამაზ ურთმელიძის აცილება იქნება.
პროცესის დაწყებამდე ჟურნალისტებთან საუბრისას მან განაცხადა, რომ რა გადაწყვეტილებაც უნდა იქნას მიღებული ამ მოსამართლის მიერ, ეს გადაწყვეტილება, იქნება აპრიორი უსამართლო და უკანონო.
„ჩვენი მთავარი მოთხოვნა არის მოსამართლის აცილება, იმიტომ რომ სასამართლო პროცესზე არის და საქმეს იხილავს მოსამართლე ურთმელიძე, რომელიც ჩემთვის არ არის მოსამართლე, ის არის მხარე. წარმოადგენს არა ქიბარ ხალვაშს, თუმცა, მის სასარგებლოდ აპირებს განაჩენის გამოტანას, არამედ, სახელმწიფოს, იმიტომ რომ ქიბარ ხალვაშიც, ამ შემთხვევაში, არის სახელმწიფო და არცერთ შემთხვევაში, რა გადაწყვეტილება უნდა იქნას მიღებული ამ მოსამართლის მიერ, ეს გადაწყვეტილება, „რუსთავი 2“-სთვის იქნება აპრიორი უსამართლო და უკანონო“, - აღნიშნა გვარამიამ.
საქალაქო სასამართლოსთან კი „რუსთავი 2“-ს მხარდამჭერები არიან შეკრებილი.
