ენერგეტიკის მინისტრი კახა კალაძე მიიჩნევს, რომ უნდა დადგეს ,,ნაციონალური მოძრაობის" პასუხისმგებლობის საკითხი. ადამიანთა წამების ამსახველი კადრების გავრცელების ფაქტის კომენტირებისას, მან ჟურნალისტებთან განაცხადა, რომ ეს ყველაფერი უკვე წარსულს იყო ჩაბარებული.
,,მე თვითონ კადრები არ მინახავს და დიდი ხანი არ არის გასული მას შემდეგ, რაც სააკაშვილის სისხლიანი რეჟიმი ჩვენ მშვიდობიანად, არჩევნების გზით გავისტუმრეთ. ჩვენ ყველას კარგად გვახსოვს, როგორ უსწორდებოდნენ განსხვავებული აზრის მქონე ადამიანებს, როგორ აუპატიურებდნენ ხალხს. ფაქტობრივად ახალგაზრდებს უსპობდნენ მომავალს. ჩვენ ყველამ ეს წარსულს ჩავაბარეთ. გარდა იმისა, რომ კონკრეტული პიროვნებების სისხლის სამართლის დანაშაულებები იკვეთება და უნდა დაისაჯონ, მე ვფიქრობ, რომ სისხლიანი რეჟიმის, "ნაციონალური მოძრაობის", სააკაშვილის გუნდის პასუხისმგებლობა უნდა დადგეს", - განაცხადა კახა კალაძემ.
