ენერგეტიკის მინისტრის კახი კალაძის შეფასებით NDI-ის საქართველოს ოფისი გარკვეული ხარვეზებით მუშაობს. მინისტრი 2012 წლის არჩევნებამდე გამოქვეყნებულ კვლევის შედეგებს იხსენებს და აცხადებს, რომ ხალხის განწყობა ისევ არჩევნებზე გამოჩნდება.
კალაძის განცხადებით, ზოგადად ქვეყანაში პრობლემები არსებობს და ხელისუფლება ამაზე საუბარს არ ერიდება.
"ძალიან მძიმეა სოციალური ფონი. ეს გუშინ და გუშინწინ არ დაწყებულა, თუმცა ამ 3 წლის განმავლობაში ხელისუფლებამ ბევრი მნიშვნელოვანი რეფორმა განახორციელა, ბევრი შეღავათი იყო მოსახლეობისთვის ჯანდაცვის, სოფლის მეურნეობის, განათლების მიმართულებით. 60 ლარით გაიზარდა ასევე პენსია, თუმცა ეს არის ძალიან ცოტა. კიდევ უფრო მეტი უნდა ვიმუშავოთ. რაც მთავარია ხალხს აქვს იმედი, რომ ყველა პროექტი განხორციელდება, რათა ჩვენი ქვეყნის მოსახლეობას პრობლემები შევუმსუბუქოთ", - განაცხადა კახი კალაძემ.
