პრემიერ-მინისტრი ირაკლი ღარიბაშვილი მიიჩნევს, რომ ადამიანები, რომლებიც ახორციელებენ NDI-ს კვლევებს, პირდაპირ დაკავშირებულნი არიან "ნაციონალურ მოძრაობასთან".
როგორც პრემიერმა ჟურნალისტებთან განაცხადა, NDI-ის კვლევებზე სერიოზულ კომენტარის გაკეთება უჭირს.
,,NDI-ის კვლევებზე სერიოზულ კომენტარს ალბათ ვერ გავაკეთებ, ვინაიდან ამაზე ხშირად გვისაუბრია ჩვენ და ჩვენი გუნდის წევრებმაც გააკეთეს კომენტარი. ძალიან ბევრი კითხვის ნიშანი ისმოდა მრავალი წლის განმავლობაში არა ამ ორგანიზაციის მიმართ, რომლისადმი მინდა ჩემი პატივისცემა დავაფიქსირო, მაგრამ ის ადამიანები, რომლებიც წლების განმავლობაში მუშაობდნენ და უშუალოდ ფიზიკურად ახორციელებდნენ ამ კვლევებს, პირდაპირ არიან დაკავშირებული "ნაციონალურ მოძრაობასთან". ასე რომ, ეს ჩვენი მოსახლეობისთვის არ არის საინტერესო. ჩვენს მოსახლეობას აინტერესებს ის, თუ რას ჰპირდება მთავრობა, რას აკეთებს მთავრობა. ეს ყველაფერი აისახება ჩვენს მოსახლეობაზე", - განაცხადა აღნიშნა ღარიბაშვილმა და დასძინა, რომ ყველაზე მთავარი კვლევა არის არჩევნების დღე, სადაც გამოჩნდება თუ ვის ენდობა ხალხი სინამდვილეში.
