მედიის თავისუფლება არის მნიშვნელოვანი ასპექტი საქართველოს დემოკრატიული განვითარებისათვის, - - ამის შესახებ დღეს სოფლის მეურნეობის სამინისტროში ევროკავშირის ელჩმა საქართველოში იანოშ ჰერმანმა "რუსთავი 2"-თან დაკავშირებით განვითარებულ მოვლენებზე განაცხადა.
მისი თქმით ეს არის კერძო დავა, თუმცა მოვლენებს აკვირდებიან.
"ჩემი კომენტარი არის ის, რომ ჩვენ თვალყურს ვადევნებთ მოვლენების განვითარებას. ჩვენ ამას ვაკეთებთ იმისთვის და აქ ევროკავშირი მარტო არ არის, მედიის თავისუფლება არის მნიშვნელოვანი ასპექტი საქართველოს დემოკრატიული განვითარებისათვის", - აღნიშნა ელჩმა.