საპარლამენტო უმრავლესობის წევრი ზურაბ ტყემალაძე მიიჩნევს, რომ ,,რუსთავი 2 ” -თან დაკავშირებით პარლამენტის მიერ განცხადების მიღება, სასამართლოზე ზეწოლა იქნება. მისივე თქმით, ამ ნაბიჯს საერთაშორისო საზოგადოებაც სასამართლოზე ზეწოლად ჩათვლის.
,,როგორ შეიძლება სასამართლო დავაზე ორ კერძო სუბიექტს შორის პოლიტიკური განცხადება გააკეთოს პარლამენტმა. ეს არ იქნება ზეწოლა? თავისთავად ეს იქნება ზეწოლა. ეს არის შემოთავაზებული მაპროვოცირებელი განცხადება, რომლის მიხედვითაც, ბუნებრივია, საერთაშორისო საზოგადოებაც აღიქვამს, რომ აი, პარლამენტმაც კი მიიღო ზეწოლის განცხადება სასამართლოსა და მედიის საწინააღმდეგოდ. ნამდვილად ვერ დავუჭერ მხარს”, - განაცხადა დეპუტატმა.
,,ნაციონალური მოძრაობა” პარლამენტს მოუწოდებს ,,რუსთავი 2”- ის ირგვლივ განვითარებულ მოვლენებთან დაკავშირებით, სპეციალური განცხადება მიიღოს.
