ენერგეტიკის მინისტრი კახა კალაძე აცხადებს, რომ ფეხბურთის ფედერაციის პრეზიდენტის არჩევნებზე გაკეთებულ ფარულ ჩანაწერში "ისეთი ვერაფერი" ნახა.
"სიმართლე გითხრათ, ვერაფერი ისეთი ვერ ვნახე. ისინი აპელირებდნენ იმით, რომ თითქოს დაკავებული ადამიანის გამოშვებას ითხოვდნენ და მაშინ მიიღებდნენ მონაწილეობას. ის მოთხოვნა, რაც მათი მხრიდან იყო, ფაქტიურად გაქარწყლებული იყო. ამიტომ, ისინი აპელირებდნენ იმაზე, რომ ხმა წაართვეს, რაც აბსოლუტური სიცრუეა და სიმართლეს არ შეესაბამება", - განაცხადა კახა კალაძემ.
ვიდეოში, რომელიც ,,ჰოლიდეი ინნშია” გადაღებული, რევაზ არველაძე უეფას ვიცეპრეზიდენტ გრიგორი სურკისს და არჩევნების დელეგატებს ესაუბრება. არველაძე ამბობს, რომ მისი მხარდამჭერი დელეგატის გეგი გობეჯიშვილის გათავისუფლების შემთხვევაში, არჩევნების ნებისმიერი შედეგი მისთვის მისაღები იქნება.
