"გაზპრომთან" დაკავშირებით ყველა სახის პოლიტიკურ თუ სხვა საფრთხეებს გამორიცხავს საქართველოს ეკონომიკისა და მდგრადი განვითარების მინისტრი.
აღნიშნულ თემაზე დიმიტრი ქუმსიშვილმა ჟურნალისტებთან საუბრისას თბილისის საერთაშორისო აეროპორტში ისაუბრა.
მისი თქმით, "გაზპრომთან" შეხვედრა ეხება მხოლოდ ტრანზიტთან დაკავშირებულ ტექნიკურ დეტალებს.
,,"გაზპრომთან" დაკავშირებით ჩემს კოლეგასთან, ენერგეტიკის მინისტრთან დავაზუსტე აღნიშნული საკითხი. ეს ეხება ტექნიკურ დეტალებს, ეხება იმ გაზის ტრანზიტს, რომელიც დღეს ჩვენს ქვეყანაზე გადის. აქედან გამომდინარე, ვერანაირ პოლიტიკურ თუ სხვა მოტივაციას აქ ვერ შემოვიტან. აღნიშნული შეხვედრები არის ტექნიკური ხასიათის მატარებელი და ის ეხება იმას, რომ საქართველოზე გადის ტრანზიტული გაზი "გაზპრომით", - განაცხადა დიმიტრი ქუმსიშვილმა.
,"გაზპრომის" ხელმძღვანელობასთან ენერგეტიკის მინისტრის შეხვედრა ახლო მომავალში იგეგმება.
