პრეზიდენტი არის ხელისუფლებაში ერთ-ერთი, თუ ერთადერთი არა, რომელიც დემოკრატიული ინსტიტუტების ჩამოყალიბების კუთხით დგამს გამიზნულ ნაბიჯებს, - ამის შესახებ პრეზიდენტის ახლად დანიშნულმა მრჩეველმა პოლიტიკურ საკითხებში ფიქრია ჩიხრაძემ წარდგენის შემდეგ განაცხადა.
მან გიორგი მარგველაშვილს, თბილი წარდგენისთვის, მადლობა გადაუხადა.
,,ჩემი გადაწყვეტილება, რომ მიმეღო პრეზიდენტის შემოთავაზება და გავმხდარიყავი პოლიტიკური მრჩეველი პრეზიდენტის ინსტიტუტში, განაპირობა სწორედ იმანაც, რომ მე ვფიქრობ, და მარტო მე ვფიქრობ ასე, რომ მარგველაშვილი არის ხელისუფლებაში და არა მარტო დღევანდელ ხელისუფლებაში ერთ-ერთი, თუ ერთადერთი არა, რომელიც დემოკრატიული ინსტიტუტების ჩამოყალიბების კუთხით დგამს ძალიან გამიზნულ და შთამბეჭდავ ნაბიჯებს“, - განაცხადა ჩიხრაძემ.
მისი თქმით, თანაგინდელები ,,ახალი მემარჯვენეებიდან გაგებით შეხვდნენ მის გადაწყვეტილებას და სერიოზული მხარდაჭერა გამოუცხადეს.
პრეზიდენტმა გიორგი მარგველაშვილმა ახალი მრჩეველი საზოგადოებას დღეს წარუდგინა.
