ენერგეტიკის მინისტრი კახი კალაძე "გაზპრომის" წარმომადგენლობასთან დაგეგმილ მორიგ შეხვედრაზე აცხადებს, რომ ეს ურთიერთობა დღეს არ დაწყებულა და მომავალშიც გაგრძელდება. მისი თქმით არსებობას შესაძლებლობა საქართველო გახდეს ბუნებრივი აირის სატრანზიტო ქვეყანა.
,,აქ საუბარი არ არის მხოლოდ დამატებითი მოცულობის შემოტანაზე რუსეთიდან, ჩვენ აქტიურად ვმუშაობთ ირანთან მიმართებაში, რადგან ჩვენ დღეს ვხედავთ, არის რეალური შესაძლებლობა იმისა, რომ მოვახერხოთ ირანიდან ბუნებრივი აირის წამოღება და საქართველო გახდეს სატრანზიტო ქვეყანა. ჩვენი გეოპოლიტიკური მდებარეობიდან გამომდინარე, მაგალითად, ირანიდან წამოღებული გაზი მოხვდეს თურქეთში და თურქეთის გავლით ევროპის ქვეყნებში. ამიტომ ასეთ მნიშვნელოვან საერთაშორისო პროექტებს ჩვენ მაქსიმალურად ხელს შევუწყობთ როგორც შაჰდენიზის შემთხვევაში", - განაცხადა კალაძემ.
მისივე თქმით, "გაზპრომთან" შეხვედრაზე უკვე დასმული იქნა საკითხი გაზსადენში გაზის მოცულობების გაზრდასთან დაკავშირებით, რომელიც რუსეთიდან სომხეთის მიმართულებით გადის.
,,ჩვენთვის მნიშვნელოვანია, რომ ეს მილსადენი მაქსიმალურად იყოს დატვირთული, რადგან ამ შემთხვევაში, უფრო მეტი საშუალება გვექნება დამატებითი მოცულობები მივიღოთ, ასევე თუ კომერციულ კომპანიებს ექნებათ სურვილი და შესაძლებლობა, მათ მიეცეთ საშუალება ბუნებრივი აირი შემოიტანონ რუსეთიდან", - განმარტა მინისტრმა.
